کیا فیس بک اب زوال کی طرف ہے؟

(ایجنسیز)
نیویارک…امریکی ماہرین نے فیس بْک کے زوال کی پیش گوئی کر دی ہے۔ کیا سماجی رابطے کا سب سے بڑا آن لائن ذریعہ ”دی اینڈ“ ہونے والا ہے؟بِیس وِیں صدی کے آخری عشرے میں انٹرنیٹ نے دنیا کو سحر میں جکڑا۔ چیٹنگ فورمز اور میسنجرز نے لاکھوں دل جوڑے اور ہزاروں گھر توڑے۔ اِکیس وِیں صدی کے شروع ہوتے ہی دور آیا سوشل میڈیا کا، جِس نے سب کی چْھٹی کر دی۔ لیکن کیا اب اِس کی بھی چْھٹی ہونے والی ہے؟فیس بْک وبا کی صورت پھیلا۔ لیکن اب امریکی یونی ورسٹی کے ماہرین کہتے ہیں کہ جِس طرح ہر وبا دَم توڑ دیتی ہے، اِسی طرح فیس بْک کا بخار بھی اتر جائے گا۔اِن ماہرین نے تو



یہاں تک پیش گوئی کر دی ہے کہ دو ہزار سَترہ تک یعنی صِرف تین سال کے اندر اندر فیس بْک استعمال کرنے والے اَسّی فی صد لوگ اسے ”بائے بائے“ کہہ دیں گے۔اِس وقت انسانی تاریخ کے سب سے بڑے آن لائن سوشل نیٹ ورک کا اعزاز فیس بْک کے پاس ہے۔ دنیا بھر میں اِسے استعمال کرنے والوں کی تعداد ایک ارب دس کروڑ سے بھی زیادہ ہے اور کچھ دنوں بعد یعنی چار فروری کو فیس بْک اپنی دس بہاریں مْکمل کر لے گا۔بظاہر دیکھا جائے تو یہ ابھی پَھل پْھول رہا ہے، لیکن فیس بْک کے نشہ بازوں کو اب یہ جستجو ہو گی کہ جس طرح میسنجرز اور دوسری ایپلی کیشنز کا متبادل فیس بْک تھا تو خود فیس بْک کا متبادل کیا ہوگا؟